يوم عدت رحلتك جيت بسلام...
ودك من سنين همك تستريح
جيتني تنثر مشاريه وملام...
وترتكب قدامي العذر القبيح
جيت تفرد لي ضلوعك بإهتمام...
تحتري صدر يضمك مايشيح
جيتني وانا بفضل الله تمام...
ألتجي له من فم الدهر الشحيح
كل ماوقتي معي شد الحزام...
قلت ياربي وكون الله فسيح
ايه ماضم الزمن غير الكرام...
ايه ماضم الدجى غير الفحيح
كل ماخلق الله انكبو نيام...
قمت اجر الصوت من غلي واصيح
وكل ماعيني رأت سرب الحمام...
قلت واعزاه ودموعي تسيح
احتريتك عمر وسيوف الكلام...
كل شخص سلها لي مستبيح
جالهم حولي من الكره واحتدام...
وصرت بين يدينهم طيرن ذبيح
وين قلبك وين ياعال المقام...
ما احتماني يوم طحت عن المطيح
مارحم ضعفي ولا لين العظام...
ولا فزع يزما من الحمل ويزيح
لاتقول انك تكبدت الجهام...
وانك بفرقاي من شوقك طريح
لاتصب العذر في كاس حطام...
مايسد العذر لو منه يفيح
مابقى في عيني آيات احترام...
للوعود اللي غدت شيح بريح
افتقدتك ...؟؟؟ ايه لكن الظلام...
شيد لبيض النوايا بي ضريح
هاااك سلسال المحبه والغرام...
وروح بفالك عسى دربك سميح
عن دروبك عز خفاقي وشام...
حره بقلبي .. وكون الله فسيح

للأمانه القصيده هذي في تليفوني من مده ومن فتره لفتره احب اقراها وحبيت اكتبها لكم ...اتمنى تعجبكم

اختكم ميــــــــاســهــ

مشكورة اختي ::مياسه:: ع هالقصيدة الجميلة وصح لسان قايلها..

فديـــج وحيـــده

تسلمين على مرورج ياقلبي ..جعلج بعد كل من دخل ومارد بس يتطمشووون

تقبلي تحيات اختج:
ميــــــــاســــهـ

ياقلبي يالجيون .. فديتش تش تش تش

شوكرن على مرورج يابعد حيي وميتي ...

يلا سي يا

للأمانه .. لفتي نظرة الحر الهمام #### وعن صيداته بقربك مستريح


أهداء لمياسه هالبيت السابق



مياسه قصيده ولا أروع من عضوه رائعه مثلك يالغلا


صح لسانك ولسان قايلها


ودمتي بما تحبين

:) والله مدري شقول

بس تسلم اخوي نــايف .. صح لسانك على هالبيت ..

لاـــ هنــــت .. لاتحرمنا طلتك

صح لسانك أخت مياسه ..

وصح لسان قايلها ..


لك تحيتي .