السلام عليكم ورحمة الله وبركاته
قصيده تصف المجهول وهل بعد موتنا أحد يفتقدنا ؟؟
أترككم مع القصيده
ودي اموت اليـوم واعيـش باكـر
واشوف منهو بعـد موتـي فقدنـي
ومنهو حملني ليـن ذيـك المقابـر
واشكر أنا كل من كرمنـي ودفنـي
وبشوف يرثيني انـا كـم شاعـر ؟
ومنهو تركني وماكتب شـي عنـي
شخص ٍ تعنى لي مع انـه مسافـر
وشخصٍ قريبٍ وأنـا ميـت طعنـي
وشخص يمثل دمعته ماهـو قـادر
وشخص تطيح دموعه كل ماذكرنـي
ومنهو من أهلي في العزا كان حاضر
ومنهو دعا لي في صلاته ورحمنـي
ومنهوبنى باسمـي سبيـل ومنابـر
ومنهو يفز قلبـه إلا مـن لمحنـي
ومنهو عشاني طول الأيـام ساهـر
ومنهـو ثـلاث أيـام راح وتركنـي
ومنهـو يرتـب غرفتـي والدفاتـر
وإن شاف صورة لي مات وحضنـي
يالله عسى ماتغفـى كـل المشاعـر
ويالله عسى ماينصـدم يـوم ظنـي
خايف يروح العمر وأكـون خاسـر
وإن طـار طيـري مايفيـد التمنـي
وخايف يجني وقت أكسـر خواطـر
إن دارت الدنيـا وزمانـي كسرنـي
ومدام هذي الدنيا صـارت مظاهـر
وكل من على كيفـه وجـوّه يغنـي
صحيح مسلـم لكـن الهـم كافـر
كل مابغيت اضحك يهددنـي حزنـي
الضيف وافي والحـزن حيـل وافـر
والجرح اكثر شـي شفتـه يحبنـي
عايش وميت بين ماضـي وحاضـر
والصبر مفتاح الفـرج ضـاع منـي
قل وش تبي وتتركني ياحزني آمـر
مسكين فرحي تصدق أنـه وحشنـي
شاعـر ولكنـي مانـي بشـاعـر
ودي أمـوت اليـوم وارتـاح منـي
تحياتي للجميع وأتمنى أن ينال هذا النقل على إعجابكم
29-03-2008, 09:28
العرض العادي
المواضيع المتشابهه
