قال الذي لاشار يصـدق شـوره
وجرب سعادة عيشتـه واكـداره
روحه على طرد الهوى مفطـوره
وجرح العذارى واضحن بأشعـاره
واهل الهوى جولاتهـم ماثـوره
اللـي سمعنـا بالقديـم اخبـاره
واكثرهم اللـي جثتـه مقبـوره
من جور نجمات الهوى واقمـاره
امـا تولـع واحتـرق ماطـوره
واظلـم زمانـه وانقطـع تيـاره
والا غدى يمشي علـى باكـوره
ضاع الشبـاب ولذتـه وازهـاره
واللي مع السكه صدم ماصـوره
وش عاد لو هو يلبـس النظـاره
والا هبيـل وقصتـه مشهـوره
دلا يطـارد عشقـتـه بـديـاره
يمشي وراه وعيشتـه شابـوره
فرخن ضعيفن طايحـن منقـاره
مثل الخفاجي وامـه المحـروره
عاف الاماره والخـدم وانصـاره
كلـه سبايـب لابـس التنـوره
اللي كوى وسط الحشى مسمـاره
ونار العذارى من قديم عصـوره
اكثرهن اللـي بالهـوى غـداره
ترسل عليك النار مـن طابـوره
برموش عينن بالهـوى جبـاره
وان شافتك معها تقل عصفـوره
وشافت خفوقك طـاح بالسنـاره
قامت تعاند روحـك المشطـوره
تاعد وترجع لك تسـوق اعـذاره
ياحبهـا للدمـعـة المنـثـوره
ورفض العشير اللي بغى مسياره
وهذي سبايب روحي المجـدوره
واسباب نيران الحشـى وامـراره
ريمن وقلبي طاح فـي ديجـوره
وتعزف على جرح الحشى مزماره
كن العيـون بسهرهـا مامـوره
من كثر مايلفح هبوب اعصـاره
تلعب معـي ويسانـده جمهـوره
ومعها الحكم واللي يشيل الشـاره
حتى الحكـم بانـت معالـم زوره
دايـم يهددنـي برفـع انــذاره
من عقب ماهي فرقتن مغمـوره
واكثر نتايجهـا تلـوح اصفـاره
كل الفرق صارت تهاب حضـوره
وتطمع تخـوض الفاينـل وادواره
رمش المهاة بفيضتـن ممطـوره
ترعـى فياضـن زاهـي نـواره
تلقـاه بفيـاض الخـلا مذيـوره
ومحدن ينام وهو يشوف جحـاره
تخاف من سبع الخـلا ونمـوره
او بندقن مـع راعـي السيـاره
حوريتن تجمع وصايـف حـوره
والعين مع كل البشـر ماصـاره
صارت من وصوف الحلا مغروره
وحطت خفوقـي عندهـا قيثـاره
ان قلت ابي شوفك غدت مذعوره
وان غاب زوله طحت في منشاره
وانثر من اشعار الغرام سطـوره
من ضامرن كلن عرف مقـداره
ماهي حروفن نصفهـا مكسـوره
او يجبرن قافه واجيـب قصـاره
ولا هي من حروف العرب مبتوره
او يشري القيفان من سمسـاره
لاثار في جوفـي لهـب دافـوره
كن الغواني فيـه طقـت طـاره
دشيت موجه ماخشيـت بحـوره
عندي مخازنهـا وانـا بيطـاره
كنه بصفحة ضامـري محفـوره
بـدع جديـد ولا غشـاه غبـاره
او تقل تنبـع بالحشـى نافـوره
وتنثر على جاش الخفوق امطاره
ان عاضبت تمشي معي مصخوره
او عاندت غيري تجـي مختـاره
تلفي لروحـي والسبايـب نـوره
ام الخـدود اللـي تقـل جمـاره
من جورها قلبي طلع عن طـوره
والله يعين القلـب فـي مشـواره
رمشه خذى قلبـي بـلا فاتـوره
والسوق يشكي من جحيم اسعاره
ليته تراعي روحـي المسحـوره
وتفهم نتايج هجرهـا واخطـاره
يمكن تروف بحالتي عن جـوره
وترحم خفوقي عن لهايـب نـاره
اصحي اذا جاني عبيـر عطـوره
والريح مع زين النسايـم سـاره
وان ما منع جور الهوى وشروره
وحط القناع اليا طلـع مـن داره
والله فلا هي بالهـوى معـذوره
ولا ينفعـه قرشـه ولا دينـاره
ان قدت بصفوف العـذارى ثـوره
وجريت لبيـوت الحبايـب غـاره
والراجمـه دارت عليـهـم دوره
وكلن نقل طفلـه وخـلا جـاره
واقصف شوارع حارته وقصـوره
والناس من قصفي تذوق اضراره
وخذيت له عقب القذايف صـوره
تظهر قواعـد دارهـا المنهـاره
تلقى صحونـه بالخـلا منثـوره
من رجف نـارن تنثـره طيـاره
وبان اللهيب بدارهـا المدمـوره
وهم مثل غرقى مصـر بالعبـاره
والا السـلام مقابـل الغـنـدوره
واقعد مع الغالي بوسـط الحـاره



أمنى أن تنال على إعجاب الجميع


تحياتي

الغالي غسان


فخر لي تواجدك في صفحتي

لاحرمنا بداعك يالغلا

تسلم أناملك الجيون على الرد الحلو مثل صاحبه

صح بدنك أختي الجيون


لاحرمناكم ياطويلة العمر الجيون


تحيتي لأرق مراقبه عندنا