السلام عليكم ورحمة الله وبركاته
كانت بنت من هذا المنتدى إعجبت بها بالأول ثم حبيتها
وكانت ترسم ليلي نهاري وتزرع شوكي أزهاري
حتى للأسف راحت مع شخص أعجبها بالمنصب والمال علما
أنها ماكلفت نفسها تعرف من أنا أصلا...!!!
ثم باعها فارس أحلامها ورجعت لي ولكن هيهات
فحبيت أن أنقل لكم هذي القصيده اللي تصور الموقف كله
القصيده لأمانه منقوله بس هي الملائمه للموقف
عقب اندمال الجرح جيتـي تزوريـن
زورة نـدم والا حنـيـن لعـذابـي
جيتي عقب ما ضاع من عمري سنين
ايـام كنتـي مـا تمريـن بـابـي
توقـفـي يابـنـت لا تستعجلـيـن
يكفيني انـه ضـاع دونـك شبابـي
يا ما فديتك يا سـود داخـل العيـن
واهديت لـك روح البيـوت العذابـي
يا ما مسحت دموع من فوق خديـن
تخـاف هجرانـي وتخشـى غيابـي
واعطيت لك عهد رجـح بالموازيـن
ولا نقضت العهـد رغـم اغترابـي
كنتي امل روحي وزهـر البساتيـن
حلم ليا ضاقت دروبـي سـرى بـي
كنتي عروس العمر نـور المزاييـن
اخاف اكـدر خاطـرك فـي عتابـي
اخشى عليك من القدر والحسوديـن
واقبـل عليـك بلهفتـي والتهابـي
رحتي شريتي من رصيـده ملاييـن
لون الذهب خلى رموشـك حرابـي
ليته درى عن طبعك اغتـر بالزيـن
طبع الحمامه غيـر طبـع الغرابـي
ما كنت اظن الورد يقسى على الطين
ولا ينكر الطـل الرقيـق السحابـي
وما كنت اظن الحور تمشي بقلبيـن
ولا لذيـذ المـي يصبـح سـرابـي
ولا يجينـي يـوم بقـفـاه تقفـيـن
كنـك حسدتينـي بليلـة مصـابـي
انا غنـي النفـس وانتـي تعرفيـن
قمـة فخـاري شيمتـي وانتسابـي
يللـي غدرتـي بـي بليلـة ثلاثيـن
شوفي على تعدادها الـراس شابـي
جيتي عقب ما خانـك اللـي توديـن
هو طاب منك وخاطري منـك طابـي
أتمنى أن تنال إعجابكم
تحياتي للجميع
29-03-2008, 11:35
ماكنت اظن الورد يقسى على الطين.....!!!
العرض العادي
المواضيع المتشابهه
