ابـــن الـمـطـوع مـالـقـا الـــدار مـاهــول - مخـلـي جنـابـه عــن جمـيـع الـونـس خـــال
شـافـه خــلا مــن عـقـب مـاهـوب مـنــزول - واقـفـى عـلـى اقــدام الحـفـى يـهـذل اهـــذال
ابــن المـطـوع مـــات مـــع درب مـجـهـول - عطـشـان فــي راس ابــرق ٍ نـايــفٍ عـــال
لـكــن ســواتــي مـابـعــد عـاشـهــا زول - ولاقـد سمعـت لهـا مــع اهــل الـهـوى امـثـال
عايشتـهـا عـمــري ثـلاثــة عـشــر حـــول - اوهويـقـل عـــن الـثـلاثـة عـشــر حـــال
انــا صـغـيـر ونـاحــل الـخـصـر مـدلــول - سـبــع وثـــلاث معـديـتـنـي ورى الــجــال
الـفـرق عـشـر ٍ وفـيـهـن اريـــاف ومـحــول - فـــارق هـوانــا فـــرق راحـــل ونـــزال
صـبـرت جـعـل الضـيـق يـنــزاح ويـــزول - حـمــل الـعـنـا عـــن بايدالـحـيـل يـنـحـال
اقـــول اظـــن الـصـبـر يـنــدار بـحـلـول - صـبـرت واثــر الـصـبـر مـاهــوب حـــلال
وعـزّمـت اكـسـر حـاجـز الـصـمـت واقـــول - امــــا طــمــع ولامـنـاكـيـف و جــــزال
وواجهـتـهـا سـايــف وخـايــف ومــذهــول - واخبرتـهـا فــي الـحـال عــن خـافـي الـحـال
واجهـتـهـا بـالــراس مـاارسـلـت مــرســول - وردت بعـلـم ٍ مـاخـطـر لـــي عـلــى بـــال
قـالــت واشافـيـهـا تـفــرّق عـلــى الـلــول - [تــوك صغـيـر] ولا بـعـد صـــرت رجـــال
بيـنـي وبيـنـك سـيــف الاعـمــار مـسـلـول - ينـحـاك عــن ممـشـى مـعـي عـمـر الاطـفـال
لاشـتـد عـمـرك واصـبــح الـزنــد مـفـتـول - ومـشـيـت مـابـيــن المـنـاعـيـر تـخـتــال
يـمـديـك تـلـقـى مـــن يسـلـيـك بــدلــول - يـحـطـلـك بـأقـصــى حـنـايــاه مــنــزال
واقـفــت يلحـفـهـا مـــن الـلـيـل مـجــدول - ماغطـتـه عـــن نـاظــر الـطـفـل بـجــلال
واقـفـت وانــا فــي مـوقـف الـيـاس مـخـذول - مفـلـس فـــلاس مـضـيـع الـجــاه والـمــال
تفـتـر بــي دنـيـاي فـــي حـيــل مـشـلـول - مــن مـاقـفـي مـاطـاعـت الـرجــل تـنــزال
راحــت بـفـال وغـيـب الاحـــداث مـجـهـول - فـي فالـهـا راحــت وانــا رحــت فــي فــال
واقـفـى الـزمـان وراح واطــول بــي الـطــول - وابطـيـت فــي رجـــوى خـيــالات وهـبــال
ابطـيـت جـرحـي فـــي خـفـايـاي مـشـيـول - نــوب يـهـيـض ونـــوب يـلـتـف بـسـمـال
لا مــات مـــن مـابــه ولا مـــات مـقـتـول - ابـطـى وتـأثـيـره عـلــى الـنـفـس مـــازال
جــرح يـــزوره ســـاري الـلـيـل مـحـمـول - عـلـى مـتـون اللـيـل فـــي مـهـمـه الـــلال
يسقـيـه فــي لــذة الـكـرى الـنـوم مـعـسـول - حـلــو الـمــذاق بـلــذة الـنــوم سـلـســال
فـــي مـنـهـل يـاعـنـك مـاهــوب مـنـيـول - صـعـب عـلـى خـيــار النـشـامـى والانـــذال
والـيـا انتـبـه جـرحـي مــن الـنـوم مـثـمـول - عــادت عـلـيـه اتـــراح الافـــراح تـنـهـال
امــر القـضـاء لومـارضـى الـعـبـد مـفـعـول - يصـيـبـنـا مـهـمــا نــحــاول ونـحـتــال
هــذا جــواب الـلـي عــن الـنـاس مـعــزول - عــزل الجـبـال الـشـم عــن جــرد الاسـعــال
واتــلا الـجـواب مـــن المسـاهـيـر هـمـلـول - تـهـدى لـهـاك الــزول مــن بـــد الازوال
شعر عايض محمد الحثري
عندما حب من تكبره بعشر سنوات
وهو عمره 13سنه
كبر واسترجع موقفه القديم وسطر فيها
هذه الرائعه النادره
02-04-2008, 04:01
العرض العادي
المواضيع المتشابهه
