:: حلو سهل و سريع ::

08-04-2008, 01:57

* مقادير الحلى :

3 علب بسكوت أصابع نفس إللي في الصورة .

3 بكت بسكوت أوريو .

16 حبة كيري ( وايد ) .

1 علبة جلي ليمون أصفر .

1 علبة قشطة .

4 ظروف دريم ويب .

2 فنجان قهوة حليب سائل .

1 ملعقة أكل كاكاو بودرة .

* الطريقة :

رصي البسكوت الأصابع حول صينية التشيز كيك

رصي في الصينية بسكوت الأوريو بعد ما تزيلي

القشطة منها .

* حطي في الخلاط المقادير التالية :

2 ظرف دريم ويب + 2/1 علبة القشطة + 8 حبات

كيري + 2/1 كمية بودرة الجلي + فنجان واحد حليب

سائل بعدين صبي الخليط فوق البسكوت .

* رصي فوق الخليط بسكوت أوريو بس بقشطته هذي

المره .

* بعدين حطي في الخلاط النصف الثاني من المقادير

الباقية + ملعقة الكاكاو وصبيها فوق البسكوت .

* الخطوة الأخيرة زيني الوجه ببسكوت أصابع مطحون

خشن من نفس إلي في الأطراف وفستق مطحون .

* خليها في الثلاجة بعد ماتغطيها أقل شئ 3 ساعات .

و بالهنا و العافية

08-04-2008, 02:11

يم يم يممممممممممممممم

<<<<جااااعت ^^

تسلمين يالغلا على هيك حلو ياااللللله شوووو لزييييييز ^^

فديتج والله يسامحج شهيتيني بالحلو اهئ :"(

ميـــــاســه

08-04-2008, 03:19

فديتج يا المغرورة ويازين ذاك الغرور اللى فيج

أجل أنا شقول ... . أحب الحلو بس ما أقدر آكله

لا و فنانه بالطبيخ ..

تسلمين يا الغالية على الرد الحلو ..

لا عدمنا مشاركاتج

تحيتي

08-04-2008, 12:17

تسلمين أختي ::الجيووون:: ع طبق الحلو الشهي ..عاااد أنا أموت في الأطباق هذي..

08-04-2008, 04:04

فديت عمرج يا الغالية

عليج بألف عافية ..

و الله الأحلى و الأجمل هذه المشاركة الغالية

تسلمين غلاتي .. وإن شاء الله تعجبج

أرق التحايا

09-04-2008, 03:40

اقتباس

المشاركة الأصلية كتبت بواسطة الجيـــون


	فديتج يا المغرورة ويازين ذاك الغرور اللى فيج أجل أنا شقول ... . أحب الحلو بس ما أقدر آكله لا و فنانه بالطبيخ .. تسلمين يا الغالية على الرد الحلو .. لا عدمنا مشاركاتج تحيتي

:)

فديت روحج يالطبيخه ...

عاااد انا مييييح مااعرف شي كلش مااترقع ^^

سؤال ليه تحبين الحلو بس ماتقدرين تاكلينه @@

تحياتي غلاتي

09-04-2008, 07:37

شوفي يا الغالية

قصة طويلة بس بختصرها

كنت آكل الحلو .. و وحده ماشاء الله

عليها الله يكفينا شرها .. قالت وي تاكلين

كاكاو .. و فجأة صرت أجمل الجميلات ..

و يصير الوجه كرة حمره .. و أطير للمستشفي

و اعطوني إبره .. ولا ....... الحلوة الطبيخة

ممنوعة من الحلو .. والله إنها ما ثنتها ..

و الله مياســـه .

الحمدلله على كل حال .. وعس الله يبعدكم

عن هذه الأشكال .. آمين

هذى القصة و ما فيها .

و لج مني أرق التحايا