قصيدة أعجبتني وأحببت أن أنقلها لكم مع تحيتي الخاصه لقايلها ..



الوقت محسوبٍ على كـل مخلـوق ..
والعمر يمضي بيـن يـومٍ وليلـه ....

صحيح قالوا كل مطـرود ملحـوق ..
بس البـلا مـن ضـيّـع الله دليلــه ....

الناس مثل بضاعةٍ داخـل السـوق ..
والموت تاجـر كـل شـيً يشــيلـه ....

وبين الخلايق للخلايق بـه فـروق ..
والفـرق عنـد الله لتابـع ســبيلـه ....

بعض البشر مايعرف الكذب والبوق ..
أحسـاس صادق والمشـاعـر نبيلـه ....

وبعض الآوادم لا مبادي ولا حقوق ..
اهــل النمايـم والنفـوس الرذيلـــه ....

ياكـم قلبٍ من عنا الحـب محــــروق ..
راحـت حياتــــه بالوهـم عزتيلـــــه ....

وانا عـزاي بقمة المجد مـن فـــوق ..
على المعـزه والعلـوم الفضيلــــه ....

ماضاع عمري بين عاشق ومعشوق ..
وترجيع عشــره فايتـــه مســـتحيلـه ....

أسمى المبادي داخلي دم وعـروق ..
وقمة شموخي بارقٍ قمـت أخيلـه ....

واصدق حروفي جاوزت كل منطوق ..
مضـمونهـا ينعـــي قلـوبٍ قتيلـــــه ....

وقلبي على تلويع الايـام مسبـوق ..
فقـدت بالعمـر الليــال الجميلـــه ....

شلت المآسي واسود الحزن برفوق ..
وعزي لمن شح الزمـان بخليلـــــه ....



وسلامتكم ..

إتمنى من الله تعجبكم ..

الجيون ..

أشكرك على هذا الإطراء الرائع ،،

ولست الوحيد من يختار مثل هذه الإخيارات ..

لا هنت ..