مساء الخير

لشاعر نايف صقـر


طلة البندري مثل النهار الجميـل ياهلا بالعيون السود واجفانها

كنها مهرة شقرا صغيرة وأصيل عـزوة اخوانها وعيال عمانها

عين حرٍ يهدّونه ورمش طـويل من عشقها غدا بدروب سلوانها

ماعليها ولو قالوا قصيرة جـديل مـن بهاها القلوب يهج بيبانها

دللوها قمر نجد الغـزال الثقيل وامـدحوا في مناسبها وجدّانها

بنت قرم الياناش الزنـاد الفتيل يرتكي للحمول لياالتوى شانها

وربعها الطيبين الي تفك الدخيل لاعتلى الخيل يوم الحرب دخانها

جتكم البندري شمس سناها جميل كنها الـوردة اللي تفتن الوانها


اختكم بنت ابوها

سلام عليكم

صراحه فكرة حلوه

واعطيكم هازي

(جايتني على الايميل يعني الي قايلها ...ماادري شو اسمه... )


قلت ما أحبه وأنا مجنون فيه
ما أبيه يشوف حاله من غلاه
خل قلبه يحترق بي وش عليه
لين قلبه يعترف لي في هواه
ما عطيته بال .. لكني أبيـــه ..
أتصدد بس .. ذابحني بحلاه
من متى إيدي وهي تنطر يديه
وإن جلس عندي .. ولا كني معاه
دام متولع خفوقه ما أجيه
هو يجيني دام إحساسي بلاه
يعني إني شوي متكبر عليه
ولا أنا بالصدق ..
ذااااااابحني غلاه

وسلامتكم

وهذي المشاركه كمان نهديها لكم

والي قايلها اسير الظلام (عن طريق الايميل)

خسيـتـي لعنـبـو جــدك ؛ خسـيـتـي والـغـلـط يـنـعـاب
........................ خسيتي واقلبي وجهك ؛ ولا كلمه ؛ولاجابـه
خسيـتـي والـزمــي حـــدك ؛ تـراهــا ضـاعــت الاداب
........................ انا لاطاشت جنوني ؛ يعرف الجاهـل ادابـه
وش المـغـزا مــن الكلـمـه بــلا داعــي بــلا الاسـبـاب
........................ وهرج الكذب والتجريح ؛ قوليلي وش اسبابه
انـا الشـرهـه عـلـي انــي فتـحـت لخافـقـي كــم بــاب
........................ ولكن مثل ماجيتي !!! ترا كبر الجمـل بابـه
خـذي نفسـك مـعـك بــرا ؛ ثــم انقلـعـي بــدون إيــاب
........................ فمان الله ؛ والا اقول :: فمان ابليس واصحابه
تحسبيـنـي عـلـى فـرقـاك ابـنــدم واغـــرق الاهـــداب
........................ انا مبسوط يوم اني ؛؛ طردت الشوم وغرابه
انــا مــا اعـاشـر الخـايـن ولا اسـمـع هـرجـة الـكـذاب
........................ومثلك قيمته عنـدي تحـت الزيـرو حسابـه
هــذاك الـلـي تحبيـنـه ؛ حـقـيـر و خـكــري ولـعــاب
........................ عاجبك ان قذلته شقراء ويميّل بالشعـر كابـه
صحـيـح انــه حقـيـر و زيــن وشكـلـه للنـسـاء جــذاب
........................ تشّبه بأخته فلانـه ؛؛ ومنهـا الـدم متشابـه
وانـا مانيـب حــرف الـجـر ؛؛ تجريـنـه عـلـى الاعــراب
.......................انا حرف(ن) جزم نفسه ؛ ومثلي يصعب اعرابه
تشـوم النفـس عــن زيـنـك عـقـب مـاطـاح فيـهـا ذبــاب
........................ وانا حر(ن) ولد حر ؛؛ تركت الزين وذبابـه
انـا يابنـت مــن ربــع(ن) لـهـم فــوق الفـخـر مـحـراب
........................ انا من روق ياخبله ؛ وربعي الهيله ( عتابه )
نسـيـا ماكـلـى (عمـهـوج) وكــم روس بـــدون ارقـــاب
........................رزقك الله بحكم اللي حفظ عمهوج في جرابـه
انــا شـيـخ(ن) ولــد شـيـخ ؛ بـذكـره تنـعـم الانـســاب
........................ اليا قام العرب كلاً ؛؛ يراجع دفتـر انسابـه
ولـد شيـخ(ن) وسـط ربـعـه لــه بـيـن الـرجـال حـسـاب
........................ اليا ضاقت به الارياء ؛ يهز الارض مشعابـه
محنكـنـي عـلـى الطيـبـه مــن يـومـي صغـيـر وشــاب
........................ اجل وش رايك بطفل(ن) دلال القهوه العابـه
تــرى بــدري عـلـى مثـلـك تعـيـب وساسـهـا مـعـيـاب
........................ ياليت اللي يعيبني ؛؛ يحـاول يستـر ثيابـه
انــا لاجتـنـي الـزلـه ؛ مــن الجـاهـل وهـــو كـــذاب
........................ تركت القافله تمشي ؛؛ وراهـا تنبـح كلابـه
وانــا ليـامـن كـشـف ان الـخـوي اصـبــح لـسـانه داب
........................ نزعت السم من عرقه وكسرت بمخلبي نابـه
خــلاص الـيـوم يافـلانـه ؛ كرهـتـك والقـلـوب غـــراب
........................وترى كل طير(ن) بكبد السماء يشبع مخلابـه
خـسـاره مثـلـك بقـلـبـي تـضـمـه غـرفــة الاحـبــاب
........................ وخساره غلطة العاشق ؛ يحطك اول احبابـه
بعـد هـذا تبيـن ارجــع لاجــل عيـنـك نصـيـر اصـحـاب
........................ خسيتي واقلبي وجهك ؛ ولا كلمه ؛ ولاجابـه

وسلامتكوووو

سلام عليكم

ونهديلكم بعد هاااذي القصيده

وهي من...الايميل


مسموح ترحل


راجع وأنا قلبي من العام مجروح .... راجع تبي نسيان مافات وياك

راجع وعينك تذرف الدمع مسفوح .... وفر دموعك مابقى غير ذكراك

إن جيت وإلا رحت ماأشوف مصلوح .... ريح ضميرك وأبتعد مافقدناك

العام قلبي ماشكا الجرح مذبوح .... يرجى وصالك ويرتجي يوم لقياك

واليوم مالك منزل داخل الروح .... مات الغلاء من يوم غرتك دنياك

قلبي لقى غيرك من الناس مملوح .... ماهوب يرخص من شرى الحب شرواك

أبعد وباب الغلاء كان مفتوح .... بيديك هديت الغلاء من سواياك

مسموح ترحل عن حياتي وانا اروح .... وجرب ترى الدنيا بها دورة افلاك

خلني أعيش أفراح وتعيش بالنوح .... وتذوق ماذقته من أسباب يمناك

1